منتدى حي الحضارة آشبار

نلتقي لنرتقي
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 أغانى الكلمات .. يووه قصدى كلمات الاغانى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
khali_rami
المستوى
المستوى
avatar

عدد الرسائل : 248
تاريخ التسجيل : 25/04/2007

مُساهمةموضوع: أغانى الكلمات .. يووه قصدى كلمات الاغانى   2007-05-07, 19:04

.عودونى .. عودونى .. عليك أحبك عودونى
ليلى نهارى تعالى حبيبى لا ملااااامة حبيبى
حبيبى انهاردة لازم تعرف .. حبك عامللى جنان
لو كان ده حب يا ويلى منه .. لو كان ده ذنب ماتوب عنه
أحلف بالليالى .. و عيونك يا غالى ...
قالوا اختار بين جنة و نار .. اخترت انا نارك


ممكن سؤال ..
احنا بجد بنسمع الكلام ده ؟؟
يعنى هو الكلام ده جميل مثلا ؟؟
او فيه أحاسيس و مشاعر جميلة ؟؟
او بيعبر عن فكرة ما ؟؟
أو له هدف نبيل عايز يحققه ؟؟

اتمنى اعرف الاجابة .. يمكن انا اللى مش فاهم .. يمكن فى حاجة غايبة عنى

حد ركز فى الكلمات دى ؟؟؟
عودونى عليك ؟؟
ايه عودونى عليك دى ؟؟ هو ده الحب يعنى ولا ايه ؟؟

ليلى نهارى لا ملامة .. ازاى يعنى مش فاهم ؟؟؟

لازم تعرف , حبك عامللى جنان ؟؟ لا تعليق

لو كان ده حب يا ويلى منه .. عارفة الويل ده ايه ؟؟ ده وادى فى جهنم حضرتك
لو كان ده ذنب ما اتوب عنه ؟؟؟ كدهو عينى عينك ؟؟ بتعلنى عدم التوبة كدهووو عينى عينك ؟؟

أحلف بالليالى .. و بعيونك كمان ؟؟ يخرب عقلك يا بعيد بتحلف بايه يابنى ؟؟ من حلف بغير الله فقد أشرك ..
و اخترت انا نارك ؟؟ لا فالح ياخويا

يقولك فين ايام زمان .. ايام الكلمات و القصائد

كلمات زمان ايه و قصائد ايه بلا خيبة

قصيدة [color=red]جئت من اين لا اعلم و لكنى اتيت .. ولا [color:f23e=red:f23e]قدر أحمق الخطى ؟؟
ولا انى اتنفس تحت الماء ..
تتنفس تحت الماء ؟ مركب خياشيم يا والا ولا ايه ؟؟

و التانى اللى بيقولك رمش عينه اللى جرحنى رمش عينه ..
جرحك ؟؟ رمش عينه جرحك يا والا ؟؟ هو كان رمش عينه موس حلاقة يا والا ؟؟


ايه ده بجد .. ازاى بنسمع الكلام ده ؟

هتقوللى سيبك م الكلام ماحنا عارفين ان مفيش كلام عدل .. المزيكا جامدة و اللحن كمان
اقولك فعلا الناس دى عرفت تضحك علينا بلحن و مزيكا ..
فعلا عرفوا يضحكوا علينا صح .. ماحنا اصل سهل ينضحك علينا ..
الدماغ المجوفة المفرغة سهل اوى ينضحك عليها ...




طب تصدق ان الاغانى كلها ( كلهــــــا هه ) تدور فى موضوع واحد
الحب و الحبيب
هجر بقه .. على فراق .. على واحشنى .. على لا ملامة .. على يح على واوا ..
بس كله فى موضوع واحد .. واحد يا جدعان ..
حد متخيل



محدش بيغنى ليه عن البلد مثلا ؟؟
عن السما طيب
عن الاخوات .. عن الاصحاب .. عن الارض ... عن التراب
عن الدراسة .. عن الابداع .. عن العلم .. عن العربيات حتى
عن الصيام .. عن الصلاة .. عن علاقتك بربك ..
عن الموت حتى ايه المشكلة .. سمعت فرشى التراب ؟؟
اهى
http://www.badongo.com/file/2728474

اسمعها بس بعد ماتخلص قراية الأول
بس المهم نسمع كلام .. كلام يا جدعان




بس على الصعيد الاخر ( حلوة ع الصعيد دى صح , اصلى صعيدى يابوى )

و عشان ميبقاش كلامى كله نقد نقد نقد و بس ..
فى كلام حلو
الشهادة لله .. فى كلام حلو
لا حلو صحيح يعنى

عندك الاغنية اللى عجبتنى اوى بتاعة الفيلم بتاع منى زكى و الواد ده اسمه ايه
اغنية كارول سماحة اللى بتقول
انا قلبى ليه حاسس اوى بالشكل ده .. هو الهوى يبعلى احساسنا كده
كلام جميل اوى الصراحة
بس محتاج شوية تظبيط ..
صح ؟؟
حد حاسس انه محتاج يتظبط شوية ؟؟؟
طب ما تيجى نظبطها كده ....
[color=darkred]انا قلبى ليه حاسس أوى بالشكل ده ... هى ( الصلاة ) بتعلى [color:f23e=darkred:f23e]احساسنا كده

كده تمام أوى , صح ..
طب و الله اجمل .. و أوقع و أصدق ..
جرب غنيها كده بالكلمات الجديدة .. هتحس اد ايه انت بتحب الصلاة ..

لان فعلا الصلاة بتعمل كده و اكتر من كده كماااان بس انت مش واخد بالك والله



ايه تانى .. ايه تانى

اااااه افتكرت
الواد ده اللى كان فى الحبس
يا ماحلى الدنيا و انا جنبك .. يا كل منايا محتاجلك
كلمات هايلة .. جميلة .. حاسسها
عايزة تتظبط بردو ؟؟
ولا نعديها دى ؟؟
لا والله تصدق ممكن تتظبط
بص كده
يا ماحلى الدنيا و انا جنبك .. يا كل منايا محتاجلك ......... يا رب
ايوة محتاجلك يا رب .. هو مين مش محتاجله ؟

ايه تانى ..
استنوا كنت فاكرها


ااه اه البت ام صوت مسرسع دى
اغنية لو تعرفوه .. عارفينها ؟
لو تعرفوه.. لو كان في بينكم كلام..
حد يسلملي عليه.. لو تعرفوه..
قولوله ببعتله السلام .. لعنيه ولقلبه وليه ..

يانهار ابيض .. ايه الاحساس ده
كلام جامد اوى
بجد مش هزار ..
بس بردو فى نفس الموضوع اياه
زهقتوناااااا

طب نظبطها
ظبط يا جدع
تخيل انك بتقول الكلام ده لواحد رايح يزور النبى صلى الله عليه و سلم
و بتقوله ابعتله السلام .. لقلبه و عينيه و ليــه

و كمان نفسى اقولها لناس كتير اوى .. " لو تعرفوه "
نفسى اقولها لناس فى وادى و سنة الحبيب فى وادى .. لو تعرفوه
نفسى اقولها للغرب و الدنماركيين .. لو تعرفوه

ايه تانى ؟
خلاص مش فاكر حاجة تانى




صحيح كنت هنسى
نزلت فرشى التراب ولا لسه .. اجرى ياللا نزلها و اسمعها

و كلماتها اهى كمان .. شوف الكلام ..

شوف و فكر و ركز



فرشي الترابُ يضـــمني وهو غطــائي
حولي الرمالُ تلفني بل من ورائــــي
واللحدُ يحكي ظلمةً فيها ابتلائــــــي
والنوُر خطَّ كتابهُ أنسي لقائـــــــي
و الأهلُ أين حنانهم؟ .. باعوا وفائــــي
والصحبُ أين جموعـهم؟ .. تركوا إخائي
والمالُ أين هنــــــاؤهُ ؟ .. صارَ ورائــي
والاسمُ أين بريقـهُ بيـــن الثنــــــــاءِ؟
هذي نهايةُ حالــي ... فرشي التــــراب
والحبُ ودَّع شـــوقهُ وبكى رثائـــي
والدمعُ جفَّ مســـيرهُ بعد البكاءِ
والكونُ ضاق بوسعه ضاقَ فضائـــي
فاللحدُ صار بجثتي أرضي سمائـــي
هذي نهايةُ حــــالي .. فرشي التـــراب
والخوفُ يملأ غربتـي والحزنُ دائــي
أرجو الثبات وإنــــهُ قسمــاً دوائـــي
والربَ أدعو مخلصــاً أنتَ رجــــــائي
أبغي إلهـي جنـــةً فيــــها هنائـــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أغانى الكلمات .. يووه قصدى كلمات الاغانى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حي الحضارة آشبار :: المنتديات الفنية :: كلمات الأغاني-
انتقل الى: